ცხვარი ყუთში

რეჟისორი

ჰიროკაძუ კორეედა

იაპონია 2026 126 წუთი

სინოფსისი

ახლო მომავალში არქიტექტორი ოტონე და მისი ქმარი კენსუკე კვლავ პატარა ვაჟის სიკვდილს გლოვობენ. დანაკარგიდან ორი წლის შემდეგ ისინი თანხმდებიან, სახლში მიიღონ მაღალტექნოლოგიური ჰუმანოიდი, რომელიც გარდაცვლილი ბავშვის გარეგნობასა და ხმას ზუსტად იმეორებს. ოტონე მას მაშინვე სიყვარულით ხვდება, კენსუკე კი შფოთავს და ემოციურ დისტანციას ინარჩუნებს. ოჯახური ცხოვრების რიტმი ნელ-ნელა აღდგება, თუმცა ჰუმანოიდისადმი მათი სრულიად განსხვავებული დამოკიდებულება დაფარულ მწუხარებასა და მოუგვარებელ დაძაბულობას ზედაპირზე ამოიტანს. ამავე დროს, ხელოვნური ბავშვი საკუთარ კავშირებსა და გამოცდილებას იძენს. ამ უჩვეულო ოჯახური ამბით ფილმი იკვლევს გლოვას, მეხსიერებას, ტექნოლოგიასა და წარმოსახვას და კითხულობს, რა აქცევს ადამიანთა ჯგუფს ნამდვილ ოჯახად.

გალერეა

ჰიროკაძუ კორეედა

ჰიროკაძუ კორეედა იაპონელი რეჟისორი, სცენარისტი, მემონტაჟე და პროდიუსერია. დაიბადა ტოკიოში, 1962 წელს. სრულმეტრაჟიან კინოში გადასვლამდე კარიერა ტელევიზიისთვის დოკუმენტური ფილმების რეჟისორობით დაიწყო. მისი ნამუშევრებია „სიცოცხლის შემდეგ“ (1998), „არავინ იცის“ (2004), „კვლავ ფეხით“ (2008) და „როგორიც მამა, ისეთი შვილი“ (2013), რომელმაც კანში ჟიურის პრიზი მიიღო. უდიდესი საერთაშორისო აღიარება მოუტანა „მაღაზიის ქურდებმა“ (2018), „ოქროს პალმის რტოს“ მფლობელმა ფილმმა. მოგვიანებით გადაიღო „ბროკერი“ (2022) და „მონსტრი“ (2023). კორეედა გამორჩეულია ოჯახურ ურთიერთობებზე, ბავშვობაზე, დანაკარგსა და მეხსიერებაზე ფაქიზი დაკვირვებით და იმ მრავალფეროვანი გზების კვლევით, რომლებითაც ადამიანები ოჯახის ტრადიციული განსაზღვრებების მიღმა ემოციურ კავშირებს ქმნიან.

ავტორები

რეჟისორი: ჰიროკაძუ კორეედა
სცენარი: ჰიროკაძუ კორეედა
ოპერატორი: რიუტო კონდო
მონტაჟი: ჰიროკაძუ კორეედა
მუსიკა: იუტა ბანდო
ხმის დიზაინი: კაზუჰიკო ტომიტა
მსახიობები: ჰარუკა აიასე, დაიგო, რიმუ კუვაკი, ნანა სეინო, კანიჩირო, ჰინატა ჰიირაგი, აკიჰირო კაკუტა, კაიო ნორო, მარი ჰოშინო, აიუმუ ნაკაჯიმა, კიმიკო იო, მინ ტანაკა
პროდიუსერები: კაორუ მაცუზაკი, მეგუმი ბანსე (Fuji Television Network, GAGA Corporation, TOHO, AOI Pro.)