არტოს მიწაზე

რეჟისორი

თამარა სტეფანიანი

საფრანფეთი, სომხეთი 2025 104 წუთი

სინოფსისი

სელინი პირველად მიემგზავრება სომხეთში, რათა ოფიციალურად დაარეგისტრიროს თავისი მეუღლის, არტოს, გარდაცვალება. თუმცა, იქ ჩასვლის შემდეგ აღმოაჩენს, რომ ბევრი რამ, რაც მის შესახებ სჯეროდა, სიმართლეს არ შეესაბამებოდა. არტო ომში იბრძოდა, სხვა იდენტობა მიიღო და უკან დატოვა ყოფილი მეგობრები, რომლებიც მას დეზერტირად მიიჩნევდნენ. გადაწყვეტილი, გაიგოს ადამიანი, რომელიც უყვარდა, სელინი იწყებს მოგზაურობას სომხეთში და ხვდება ადამიანებს, რომლებიც მისი დაფარული წარსულის სხვადასხვა ეპიზოდთან არიან დაკავშირებული: 1990-იანი წლების ომების ვეტერანებს, 2020 წლის კონფლიქტის შედეგად დაჭრილ გადარჩენილებს და სხვებს, რომლებიც კვლავ ატარებენ იმ ომის შედეგებს, რომელიც თითქოს არასოდეს სრულდება. გარდაცვლილი ადამიანის კვალის მიყოლით, ის თანდათან უპირისპირდება სიყვარულის, მეხსიერების, ღალატის, გლოვისა და იმ კითხვებს, შესაძლებელია თუ არა წარსულის მოჩვენებების საბოლოოდ დამარხვა.

თამარა სტეფანიანი

თამარა სტეფანიანი სომეხი კინემატოგრაფისტია, რომელიც საფრანგეთში მოღვაწეობს. მან კინემატოგრაფია ლიბანის ამერიკულ უნივერსიტეტში, ხოლო დოკუმენტური კინოს რეჟისურა დანიის კინოს ეროვნულ სკოლაში შეისწავლა. მისმა პირველმა სრულმეტრაჟიანმა დოკუმენტურმა ფილმმა „Embers“ ბუსანის საერთაშორისო კინოფესტივალზე საუკეთესო დოკუმენტური ფილმის ჯილდო მოიპოვა, ხოლო „Those from the Shore“-მა ჯილდოები ბოსტონისა და ამიენის კინოფესტივალებზე მიიღო. „Village of Women“ ოცდაათზე მეტ კინოფესტივალზე იყო ნაჩვენები და ცხრა საერთაშორისო ჯილდო მიიღო. მისი დოკუმენტური ფილმის „My Armenian Phantoms“ პრემიერა ბერლინის საერთაშორისო კინოფესტივალზე შედგა და იგი ოსკარის დაჯილდოებაზე სომხეთის წარდგენილ ფილმად შეირჩა. „In the Land of Arto“ მისი მხატვრული ფილმის სარეჟისორო დებიუტია. მის კინოში ხშირად გვხვდება მეხსიერების, იძულებითი გადაადგილების, იდენტობის, არყოფნისა და ისტორიის ინდივიდუალურ ცხოვრებაზე ხანგრძლივი გავლენის თემები.

ავტორები

რეჟისორი: თამარა სტეფანიანი
სცენარი: თამარა სტეფანიანი, ჯინ-კრისტოფე ფერარი, ჯინ ბრეშანდი, ჯიჰან ქოუაიბ, რომი კოკლა დი ფერო
ოპერატორი: კლერ მატონი
მონტაჟი: ოლივერ ფერარი
მუსიკა: მარკ რიბოტ
ხმის დიზაინი: ოლივიე მოვეზენი, ჟან-მარკ შიკი, ბრუნო რეილანი, ნატალი ვიდალი
მსახიობები: კამილ კოტინი, ზარ ამირ ებრაჰიმი, ჰოვნატან ავედიკიანი, შანტ ჰოვჰანისიანი, ბაბკენ ჩობანიანი, ალექსანდრ ხაჩატრიანი, ჰასმიკ სუვარიანი, კრისტინა ჰოვაგიმიანი, დენის ლავანი
პროდიუსერები: სტეფან ჟურდენი, კამილ ჟანტე; თანაპროდიუსერი: თამარა სტეფანიანი (La Huit, Pan Cinema, Visan)