წვის სურნელის ჩურჩული

რეჟისორი

მო ჰარავე

სომალი, ავსტრია, გერმანია 2026 28 წუთი

სინოფსისი

გადამწყვეტი სასამართლო მოსმენისა და ქორწილში მნიშვნელოვანი გამოსვლის დღეს თავშეკავებული მუსიკოსის პირადი ცხოვრება მოულოდნელად საზოგადოების განსჯის საგნად იქცევა. ქორწინების საკუთარი სარგებლისთვის გამოყენებაში ბრალდებული კაცი სასამართლო დარბაზს, ქალაქის ქუჩებსა და სცენას შორის მოძრაობს და ერთგულების, დანაშაულის განცდისა და გამოუთქმელი დანაკარგის ტვირთს ატარებს. ჩუმი, მაგრამ შეუქცევადი გადაწყვეტილებისკენ მიბიძგებული, ღირსების დაცვას ცდილობს, მაშინ როცა მისი შინაგანი ცხოვრების სიმართლე განმკითხველებისთვის მიუწვდომელი რჩება.

მო ჰარავე

მო ჰარავე სომალელ-ავსტრიელი სცენარისტი და რეჟისორია, დაბადებული მოგადიშუში. ვიზუალური კომუნიკაცია და კინო კასელის ხელოვნების უმაღლეს სკოლაში შეისწავლა. მის აღიარებულ მოკლემეტრაჟიან ნამუშევრებს შორისაა „ცხოვრება აფრიკის რქაზე“ და „მოვლენ ჩემი მშობლები ჩემს სანახავად?“. ამ უკანასკნელმა კლერმონ-ფერანში გრან-პრი მოიპოვა და ევროპული კინოს ჯილდოზე ნომინაცია მიიღო. მისი სადებიუტო სრულმეტრაჟიანი „სოფელი სამოთხის მახლობლად“ 2024 წელს კანის „განსაკუთრებული ხედვის“ პროგრამაში აჩვენეს. იგი ფესტივალის ოფიციალურ პროგრამაში შერჩეული პირველი სომალური ფილმი გახდა.

ავტორები

რეჟისორი: მო ჰარავე
სცენარი: მო ჰარავე
ოპერატორი: მოსტაფა ელ კაშეფი
მონტაჟი: ალექსანდერ ფონ პიეხვოსკი
ხმის დიზაინი: იაკობ მეზე
მსახიობები: ომარ აბდი, ანაბ აჰმედ იბრაჰიმი, ნუჰ მუსე ბერჯები, მოჰამედ აჰმედ მოჰამედი, მოჰამედ მირე, ნურა მოჰამუდ აბდი, ჯამად ნორ სიადი, ფადუმო ვარსამე ილმი
პროდიუსერები: მო ჰარავე; თანაპროდიუსერები: აჰმედ ფარა, ნუჰ მუსე ბერჯები (Maanmaal ACC, Lost Frame Films, Donkey Film)